La concurrenza duai motivar scolars (emprima fin 9avla classa) da la Regiun Surselva da  fotografar la diversitad e la bellezza dal guaud. Tut ils motivs dal guaud ed enturn il guaud èn bainvegnids. Termin d'annunzia: 30.09.2008.

Suenter la renovaziun da 3 onns vegn l'Edifizi dal Parlament avert ils 22 da november. Ins vul vegnir a savair, co classas avessan concepì l'edifizi. Da gudagnar datti ina visita guidada dal president dal Cussegl naziunal e 1000.--.

Ina nova pagina da web dal WWF preschenta videos da numerus animals periclitads spezialmain pervia dal stgaudament dal clima (en 9 linguatgs). Medemamain chatt'ins impuls per cuntramesiras.

Johannes Josi da Berna e Vladimir Serbinenko da Friburg han omadus gudagnà a l'olimpiada internaziunala d'informatica a Cairo la medaglia d'argient per la Svizra. Questa concurrenza da programmar è lantschada da l'UNESCO per giuvenils sut 20 onns.

"Scienza e giuventetgna" organisescha communablamain cun "Frontiers in Genetics" e las universitads da Genevra e Berna la 12avla emna da studi davart genetica moleculara e medicinala. 4 dis lavuran giuvenils vid in project da perscrutaziun.

Durant 33 onns ha mintg'emprova d'armonisar ils 23 sistems da scola fatg naufragi. Ussa ston ils chantuns armonisar las  regulaziuns da basa per la scola obligatorica. Radio DRS ha creà in dossier areguard HarmoS.

La HWZ scol'auta d'economia Turitg (Hochschule für Wirtschaft Zürich) lantscha il nov studi "Master of Advanced Studies (MAS) en management da project". Quest studi sa drizza era a l'exteriur ed è ina scolaziun cumplementara a la professiun.

Questa broschuretta cuntegna numerusas tabellas, graficas e cifras davart geografia, ambient, populaziun, industria e commerzi, agricultura, energia, turissem, traffic, consum privat, finanzas, segirtad, meds da massa, sanadad, politica, etc.

YoungCaritas va danovamain cun classas da scola en las muntognas: L'emna da project "Learning by working" dat invista en il mund dals "muntagnards". En lieus concrets vegnan explitgadas midadas globalas cun effect naziunal ed internaziunal.

Scolars als gimnasis en il chantun da Turitg duain controllar sezs ils process d'emprender e sviluppar uschia dapli autocumpetenzas  e metodas. Il Cussegl grond ha approvà il project "Emprender a moda autodidactica (Selbst organisiertes Lernen)".

Il concern da Disney e la scola politecnica svizra da Turitg vegnan ad avrir in labor da per grafica, elavuraziun da maletgs ed artificial intelligence. La SFP/ETH è la suletta scol'auta ordaifer  ils Stadis Unids che survegna in tal laboratori.

Sin il stgalim bass da la scola primara instrueschan adina damain umens. Pedagogs constateschan che mattatschs sco era mattatschas han da basegn da persunas d'instrucziun dad omaduas schlattainas.

Dals 29 als 31 d'october infurmescha la WORLDDIDAC Basilea 2008 davart purschidas actualas da meds e materialias d'instrucziun. Sper novaziuns e soluziuns creativas porscha quest'exposiziun era in grond program accumpagnant.

II portal svizzer ch.ch ha creà sin basa da  la broschura "La Confederaziun en furma concisa " in med d'instrucziun e d'emprender online. El è structurà tenor temas e porscha tar mintgin in "fegl da spic" cun graficas e videos per chargiar giu.

Avant 125 onns è Joachim Ringelnatz naschì. El è in famus poet e cabarettist tudestg ed è renumà oravant tut per sias poesias: "Kuttel Daddeldu", "Die Schnupftabakdose ed era pervia da ses texts en la gasetta "Simplizissmus".

Quest studi da l'Universitad da Genevra d'emoziuns è in questiunari per internet che dura circa in'ura. Ir en la pagina d'internet ed endatar il code "rm_cisa", inditgar l'adressa d'internet ed alura retschaiv'ins automaticamain il code persunal.

L'unica gasetta dal di rumantscha ha gronds problems economics. Perquai ponderescha l'editur da la "Südostschweiz" Hanspeter Lebrument seriusamain da  midar la gasetta dal di en ina gasetta da l'emna.

Mammas e babs che manchentan la saira da geniturs duain pajar ina multa. Quai pretenda la PCD en ses document da basa per la scola populara. Plinavant duai la scienza natirala vegnir promovida tar ils pli pitschens.

La pagina da web MyLOL.net per giuvenils chaschuna gronda alteraziun en la Gronda Britannia. Il portal saja ina vaira "plazza da gieu per pedofils", constatescha l'organisaziun da protecziun per uffants e giuvenils NSPCC.

Pertge collavuran uschè blers carstgauns gratuitamain per Wikipedia, la pli gronda enciclopedia online? In sguard davos las culissas da l'enciclopedia mussa co process socials defineschan l'agir dal singul.

L'agentura europeica da l'ambient e l'Organisaziun mundiala da la sanadad (OMS) han elavurà quest gieu online per giuvenils tranter 8 e 12 onns. Ils uffants duain vegnir sensibilisads per in cumportament ecologic.

"Schweizer Jugend forscht" organisescha en connex cun l'Informatica08 dals 24 als 29 d'avust 2008 in'emna da studi: "Fascinaziun informatica 2008". La preschentaziun finala ha lieu il "di da l'informatica" ils 29.08.

La nova website "In Touch with Health" infurmescha la giuventetgna davart la sanadad da la pel e co sa proteger da malsognas sexualas contagiusas - cun gieus auditivs, films e quiz online. Quest ambient d'emprender stat a disposiziun gratuitamain.

Il center da cumpetenza per e-learning da la scol'auta da Turitg ha publitgà ses terz dossier: Mobile Learning - ina nov'istorgia da success? L'ediziun è accessibla al public sin il portal dal center da cumpetenzas.

Il nov simulatur da navigar en la rait d'internet da Microsoft e da l'universitad da Minca renda attents ils mancos da la segirtad en l'internet. Utilisaders pon examinar lur cumportament en in ambient protegì experimentond 15 scenaris tipics.

La pagina d'internet "MusiCalion.com" porscha gratuitamain sut "Online Musikbibliothek" notas per chargiar giu. Cun quest servetsch han persunas d'instrucziun access sin 13'135 ovras da tut las epocas - cun exempels auditivs ed interpretaziuns.

Sch'ins tschertga infurmaziuns en l'internet fruntan ins prest sin ina da las paginas da l'enciclopedia libra Wikipedia. Dapi intgin temp pon blers chavazzins era vegnir consultads sin Wikipedia per rumantsch. Ella exista en ver 260 linguatgs.