La naschientscha è pia perfetga. Dentant è quai pir l'entschatta da quest uffant ‚Center didactic online'. Per promover ses svilup dovra el amur e tgira. Mintga utilisader che fa diever da las purschidas mussa interess per il prosperar da noss uffant, dentant per ch'el possia era crescher e vegnir pli grond dovra el dapli: novas contribuziuns, tips per amplificaziuns, reclama etc. Mintga scolasta e mintga scolast, mintga organisaziun, persuna interessada, mintgin po contribuir insatge per promover il svilup dal ‘Center didactic online'.
Sin l'adressa www.centerdidactic .educa.ch pos ti chattar material d'instrucziun en lingua rumantscha. Tut il material da la pagina engiadinaisa www.centerdidactic.ch è vegnì tranferì sin questa pagina. Pia pudais vus chattar gia davent da l'entschatta material d'instrucziun rumantsch sut l'adressa www.centerdidactic.educa.ch.

Tut quest material è arcunà en ina banca da datas. Sche ti tschertgas pia ina lavur tar ina tematica specifica sche pos ti  laschar tschertgar la maschina da tschertgar suenter il chavazzin giavischà. Sco resultat chattas ti ina schelta da tut las lavurs, da tut il documents che cuntegnan quest chavazzin. Il sulet che ti stos far è da t'annunziar cun in num d'utilisader ed il pled da pass che ti pos suenter utilisar per tut la lavurs sin questa banca da datas.
Per endatar novas lavurs, lavurs che ti vuls metter a disposiziun a las scolastas ed als scolasts rumantschs, pos  ti t'annunziar cun tias indicaziuns (num d'utilisader e pled da pass) e ti pos suandar ils pass in suenter l'auter tenor indicaziuns. A la fin das ti il cumond  da chargiar tes documents sin la banca da datas. Quels documents vegnan controllads e dads liber da la persuna responsabla dal Center didactic regiunal.