Stgalim prescolar: Tge è nov?
 |  |
| |
Ultra da la discussiun davart il stgalim da basa pertutgan las refurmas en l'educaziun prescolara l'obligatori da scolina, las uras da bloc e la restructuraziun dals plans d'instrucziun.
Stgalim da basa
La flexibilisaziun da la midada da la prescola a la scola primara e la reorganisaziun da la fasa d'entrada en scola vegnan discutadas intensivamain en Svizra. Il stgalim da basa è concepì per uffants da quatter fin otg onns. La vegliadetgna d'entrada e d'extrada per quest emprim stgalim da scola è flexibla e resguarda il svilup dals uffants. Tut tenor il model vegnan ils dus onns da scolina cumbinads cun ils dus emprims onns da scola primara (stgalim da basa: -2/+2) u ch'ils dus emprims onns da scolina vegnan mess ensemen cun l'emprim onn en scola primara (stgalim da basa: 2/+1).
L'avust 2000 ha la conferenza svizra da las directuras e dals directurs chantunals da l'educaziun publica (CDEP) relaschà las "Emprimas recumandaziuns per la furmaziun e l'educaziun dad uffants da quatter fin otg onns en Svizra". En quellas vegn fixà tranter auter che
La flexibilisaziun da la midada da la prescola a la scola primara e la reorganisaziun da la fasa d'entrada en scola vegnan discutadas intensivamain en Svizra. Il stgalim da basa è concepì per uffants da quatter fin otg onns. La vegliadetgna d'entrada e d'extrada per quest emprim stgalim da scola è flexibla e resguarda il svilup dals uffants. Tut tenor il model vegnan ils dus onns da scolina cumbinads cun ils dus emprims onns da scola primara (stgalim da basa: -2/+2) u ch'ils dus emprims onns da scolina vegnan mess ensemen cun l'emprim onn en scola primara (stgalim da basa: 2/+1).
L'avust 2000 ha la conferenza svizra da las directuras e dals directurs chantunals da l'educaziun publica (CDEP) relaschà las "Emprimas recumandaziuns per la furmaziun e l'educaziun dad uffants da quatter fin otg onns en Svizra". En quellas vegn fixà tranter auter che
 | en tut ils chantuns duain vegnir fatgas emprovas coordinadas cun il stgalim da basa |
| il stgalim da basa duai durar maximalmain fin la fin dal segund onn da la scola primara |
| l'entrada en il stgalim da basa succeda il pli baud dus onns avant il cumenzament da l'obligaziun d'ir a scola d'ozendi |
| ils aspects da la promoziun d'uffants cun basegns e cun talents spezials ed era las innovaziuns didacticas vegnan integrads en ils concepts da svilup da scola dal stgalim da basa. |
Svilup da scola
En numerus projects da svilup da scola realiseschan ils chantuns resp. las regiuns da furmaziun mumentanamain emprovas da scola cun il model dal stgalim da basa. En dus chantuns furma in ciclus da basa gia il model uffizial existent.
En l'amplificaziun planisada dal concordat da scola da l'onn 1970 vegn reglada da nov la flexibilisaziun da l'entrada en scola. La basa per questa regulaziun è l'analisa da las emprovas da scola chantunalas e regiunalas cun il stgalim da basa.
Obligatori da scolina
La tendenza en tut ils chantuns va en direcziun d'ina scolina obligatorica. L'onn 1999 ha il chantun Lucerna introducì in obligatori da scolina dad in onn ed obligà las vischnancas da prolungar sin dus onns la durada da la scolina. Ulteriurs chantuns han medemamain introducì in obligatori da scolina u han inizià projects resp. discussiuns correspundentas.
Uras da bloc
Adina dapli chantuns introduceschan uras da bloc en scolina. En passa la mesadad dals chantuns èsi previs d'introducir en singulas vischnancas u en tut il chantun - per emprova u definitivamain - uras da bloc en la dimensiun d'almain trais uras durant tschintg avantmezdis l'emna.
Plans d'instrucziun
Las furmas d'instruir e d'emprender da la scolina e dals emprims onns da scola èn s'avischinadas. Numerus chantuns han introducì novs plans d'instrucziun per las scolinas. Las activitads en scolina cuntegnan process d'instruir e d'emprender ed han finamiras sistematicas e liantas.
En numerus projects da svilup da scola realiseschan ils chantuns resp. las regiuns da furmaziun mumentanamain emprovas da scola cun il model dal stgalim da basa. En dus chantuns furma in ciclus da basa gia il model uffizial existent.
En l'amplificaziun planisada dal concordat da scola da l'onn 1970 vegn reglada da nov la flexibilisaziun da l'entrada en scola. La basa per questa regulaziun è l'analisa da las emprovas da scola chantunalas e regiunalas cun il stgalim da basa.
Obligatori da scolina
La tendenza en tut ils chantuns va en direcziun d'ina scolina obligatorica. L'onn 1999 ha il chantun Lucerna introducì in obligatori da scolina dad in onn ed obligà las vischnancas da prolungar sin dus onns la durada da la scolina. Ulteriurs chantuns han medemamain introducì in obligatori da scolina u han inizià projects resp. discussiuns correspundentas.
Uras da bloc
Adina dapli chantuns introduceschan uras da bloc en scolina. En passa la mesadad dals chantuns èsi previs d'introducir en singulas vischnancas u en tut il chantun - per emprova u definitivamain - uras da bloc en la dimensiun d'almain trais uras durant tschintg avantmezdis l'emna.
Plans d'instrucziun
Las furmas d'instruir e d'emprender da la scolina e dals emprims onns da scola èn s'avischinadas. Numerus chantuns han introducì novs plans d'instrucziun per las scolinas. Las activitads en scolina cuntegnan process d'instruir e d'emprender ed han finamiras sistematicas e liantas.
| Ulteriuras infurmaziuns |
 | Conferenza svizra da las directuras e dals directurs chantunals da l'educaziun publica (CDEP): cumenzament da la scola - stgalim da basa |
