Suenter la scolina (resp. Kindergarten, école enfantine e scuola dell'infanzia) entran tut ils uffants en l'emprima classa dal stgalim primar (sch'els na vegnan betg mess enavos u frequentan ina scola cun in plan d'instrucziun spezial).
En passa la mesadad dals chantuns vegnan realisads projects en il rom dal svilup da la scola resp. da la furmaziun da las persunas d'instrucziun cun la finamira da meglierar la midada da la scolina a la scola primara. La tendenza va en direcziun d'ina flexibilisaziun da la vegliadetgna d'ir a scola. En numerus projects da svilup da scola fan ils chantuns resp. las regiuns da furmaziun actualmain emprovas da scola cun il model dal stgalim da basa. En dus chantuns è il ciclus da basa gia in model uffizial existent.