Stgalim primar: Tgi po cumenzar cun ina scolaziun?
 |  | Tut ils uffants passan senza examen dal stgalim prescolar en il stgalim primar. Uffants cun in impediment vegnan per gronda part scolads en instituziuns da pedagogia speziala. Las cundiziuns da basa essenzialas per il stgalim primar èn fixadas en il concordat da scola da la conferenza svizra da las directuras e dals directurs chantunals da l'educaziun publica (CDEP): entrada en scola primara il pli baud cun sis onns, obligaziun d'ir a scola, cumenzament unifurm da l'onn da scola e durada da l'onn da scola. |
En la plipart dals chantuns survegnan ils geniturs ina permissiun excepziunala, sch'els vulan spustar l'entrada en scola primara per in onn, perquai che lur uffant n'è betg anc madir per ir a scola. Il medem vala per geniturs che vulessan laschar ir lur uffant in onn avant a scola, perquai ch'el è gia madir per ir a scola. In'amplificaziun dal concordat da scola da l'onn 1970 vegn tranter auter a reglar da nov la vegliadetgna da la scolarisaziun ed ina scolarisaziun pli flexibla e pli tempriva.
