Stgalim primar: Tge vegn emprendì?
 |  | Las finamiras generalas da la scola primara prevesan che scolaras e che scolars pon sviluppar lur abilitads intellectualas e creativas sco era lur abilitads corporalas ed artisticas, sviluppan lur senn da responsabladad visavi sasezs, visavi l'ambient, visavi lur conumans e visavi la societad. |
Roms
Ils chantuns stabileschan ils plans d'instrucziun. Ils plans d'instrucziun cuntegnan roms u champs spezials cun finamiras generalas e cun finamiras d'instrucziun specificas dal rom. Las finamiras d'instrucziun pon vegnir formuladas per mintga onn da scola u per plirs onns da scola.
En tut ils chantuns vegnan instruids sin il stgalim primar ils suandants roms:
Ils chantuns stabileschan ils plans d'instrucziun. Ils plans d'instrucziun cuntegnan roms u champs spezials cun finamiras generalas e cun finamiras d'instrucziun specificas dal rom. Las finamiras d'instrucziun pon vegnir formuladas per mintga onn da scola u per plirs onns da scola.
En tut ils chantuns vegnan instruids sin il stgalim primar ils suandants roms:
 | ina lingua naziunala (tut tenor la regiun rumantsch, tudestg, franzos u talian); savens è era cumpiglià il scriver |
| duas linguas estras (tenor la decisiun da la CDEP dals 25-03-2004) |
| matematica |
| istorgia ed instrucziun civica |
| geografia |
| scienzas natiralas |
| dissegnar e furmar |
| lavurs manualas textilas e betg textilas |
| musica |
| sport |
Instrucziun da linguas estras
Tenor la decisiun da la radunanza plenara da la CDEP dals 25-3-2004 vegnan instruidas sin il stgalim primar duas linguas estras. Almain ina da quellas è ina lingua naziunala. L'emprima lingua estra vegn instruida il pli tard a partir dal terz onn da scola (introducziun definitiva il pli tard l'onn da scola 2010/2011), la segunda lingua estra il pli tard a partir dal tschintgavel onn da scola (introducziun definitiva il pli tard l'onn da scola 2011/2012). En differents chantuns èn actualmain vegnidas lantschadas iniziativas dal pievel cunter duas linguas estras en scola primara.
En in pèr chantuns vegnan instruids ils roms scienzas natiralas, geografia ed istorgia / instrucziun civica entaifer in sulet rom (p.ex. "uman ed ambient").
ICT
Intgins champs d'instrucziun sco l'utilisaziun da novas tecnologias d'infurmaziun e da communicaziun (ICT) u la promoziun da la sanadad vegnan integrads en auters roms.
PECARO
Il plan d'instrucziun da basa da la Svizra franzosa (PECARO), ch'è vegnì sviluppà per il stgalim prescolar, per il stgalim primar e per il stgalim secundar I, ha reunì ils roms da scola en tschintg champs spezialisads: linguas, art, matematica e scienzas natiralas, corp e moviment, scienzas umanas. Ultra da quai vegnan definidas las finamiras per la savida generala e las enconuschientschas interdisciplinaras. Ils champs spezials, la savida generala e las enconuschientschas interdisciplinaras èn colliadas ina cun l'autra.
Tenor la decisiun da la radunanza plenara da la CDEP dals 25-3-2004 vegnan instruidas sin il stgalim primar duas linguas estras. Almain ina da quellas è ina lingua naziunala. L'emprima lingua estra vegn instruida il pli tard a partir dal terz onn da scola (introducziun definitiva il pli tard l'onn da scola 2010/2011), la segunda lingua estra il pli tard a partir dal tschintgavel onn da scola (introducziun definitiva il pli tard l'onn da scola 2011/2012). En differents chantuns èn actualmain vegnidas lantschadas iniziativas dal pievel cunter duas linguas estras en scola primara.
En in pèr chantuns vegnan instruids ils roms scienzas natiralas, geografia ed istorgia / instrucziun civica entaifer in sulet rom (p.ex. "uman ed ambient").
ICT
Intgins champs d'instrucziun sco l'utilisaziun da novas tecnologias d'infurmaziun e da communicaziun (ICT) u la promoziun da la sanadad vegnan integrads en auters roms.
PECARO
Il plan d'instrucziun da basa da la Svizra franzosa (PECARO), ch'è vegnì sviluppà per il stgalim prescolar, per il stgalim primar e per il stgalim secundar I, ha reunì ils roms da scola en tschintg champs spezialisads: linguas, art, matematica e scienzas natiralas, corp e moviment, scienzas umanas. Ultra da quai vegnan definidas las finamiras per la savida generala e las enconuschientschas interdisciplinaras. Ils champs spezials, la savida generala e las enconuschientschas interdisciplinaras èn colliadas ina cun l'autra.
| Ulteriuras infurmaziuns |
 | Plans d'instrucziun dal stgalim primar |
| CDEP: linguas |
| www.sprachenunterricht.ch |
