Stgalim secundar I: Tge vegn emprendì?
 |  |
| |
En general duai il stgalim secundar I promover il svilup e la persunalitad da las scolaras e dals scolars confurm a lur talents. El vul rinforzar l'atgna responsabladad ed il spiert da cuminanza. Il stgalim secundar I prepara per la vita sco persuna creschida e per l'emprender per vita duranta.
Per ils plans d'instrucziun dal stgalim secundar I èn responsabels ils chantuns.
Per ils plans d'instrucziun dal stgalim secundar I èn responsabels ils chantuns.
Roms
En tut ils tips da scola dal stgalim secundar I vegnan instruids ils suandants roms:
En tut ils tips da scola dal stgalim secundar I vegnan instruids ils suandants roms:
 | ina lingua naziunala (tut tenor la regiun rumantsch, tudestg, franzos u talian) |
| da princip duas linguas estras; almain ina da quellas è ina lingua naziunala (en insaquants chantuns pon las scolaras ed ils scolars dal tip da scola cun pretensiuns elementaras vegnir dispensads d'ina lingua estra) |
| matematica |
| scienzas natiralas |
| geografia |
| istorgia ed instrucziun civica |
| economia da chasa, lavurs a maun cun textilias e zambregiar |
| dissegnar e modellar creativ |
| musica |
| sport |
Instrucziun sco rom interdisciplinara
En insaquants chantuns vegn instruì scienzas natiralas, geografia, istorgia ed instrucziun civica entaifer il rom "uman ed ambient". Vitiers vegnan anc ils secturs che vegnan instruids sco rom specific u a moda interdisciplinara (p.ex. diever da novas tecnologias d'infurmaziun e da communicaziun, educaziun ambientala, promoziun da la sanadad, educaziun sexuala, educaziun interculturala, educaziun da medias, preparaziun per la tscherna da la professiun, instrucziun da traffic).
En insaquants chantuns vegn instruì scienzas natiralas, geografia, istorgia ed instrucziun civica entaifer il rom "uman ed ambient". Vitiers vegnan anc ils secturs che vegnan instruids sco rom specific u a moda interdisciplinara (p.ex. diever da novas tecnologias d'infurmaziun e da communicaziun, educaziun ambientala, promoziun da la sanadad, educaziun sexuala, educaziun interculturala, educaziun da medias, preparaziun per la tscherna da la professiun, instrucziun da traffic).
