Stgalim secundar I: Tge vegn pretendì?
 |  |
| |
Durant l'onn da scola fan las persunas d'instrucziun cuntinuadamain tests en ils roms pertutgads. Per regla vegn applitgada ina scala da notas dad 1 fin 6 (6 = meglra nota). En la gronda part dals chantuns datti duas giadas l'onn attestats. Ultra da quai fan las persunas d'instrucziun en singuls chantuns rapports en scrit davart l'emprender. Quests rapports cuntegnan era indicaziuns davart il cumportament d'emprender e da lavurar sco era davart il cumportament social ed integreschan per part era in'autovalitaziun da las scolaras e dals scolars. Intgins chantuns fan projects da valitaziun, en ils quals las scolaras ed ils scolars han da schliar ina seria da pensums che pertutgan secturs centrals dal plan d'instrucziun correspundent. Ultra da quai datti projects da valitaziun, en ils quals las scolaras ed ils scolars survegnan indicaziuns davart lur profil da prestaziun sin fundament dals tests.
Midada en la proxima classa
La promoziun en la proxima classa succeda sin basa da las prestaziuns ch'èn vegnidas fatgas durant in onn da scola. Per pudair midar en la proxima classa èsi necessari d'avair ina media da notas totala suffizienta e notas suffizientas en ils roms da basa.
La quota da repetiziun mobila sin il stgalim secundar I munta l'onn 2003 a 2%. Damai frequentan 2% da las scolaras e dals scolars la medema classa en in auter tip da scola che l'onn precedent. 1,7% da las scolaras e dals scolars frequentan l'onn 2003 la medema classa en il medem tip da scola sco l'onn precedent (quota da repetiziun stabila).
Datas UST 2003
Permeabladad
En tut ils chantuns cun plirs tips da scola èsi pussaivel che scolaras e che scolars midan - sin fundament da lur prestaziuns - en in auter tip da scola (dal tip da scola cun pretensiuns elementaras en il tip da scola cun pretensiuns extendidas e viceversa) resp. en in auter nivel da prestaziun. Per pudair midar dal tip da scola cun pretensiuns elementaras en il tip da scola cun pretensiuns extendidas sto eventualmain vegnir repetì in onn da scola. Cun in dieschavel onn da scola (facultativ) po vegnir cuntanschì il stadi d'enconuschientschas che las scolas cun pretensiuns extendidas prevesan per la fin dal novavel onn da scola.
Examens finals
La gronda part dals chantuns da la Svizra franzosa ed il Tessin fan in examen final a la fin dal stgalim secundar I. En la Svizra tudestga vegnan actualmain realisads projects per il novavel onn da scola cun lavurs finalas u cun examens finals.
La promoziun en la proxima classa succeda sin basa da las prestaziuns ch'èn vegnidas fatgas durant in onn da scola. Per pudair midar en la proxima classa èsi necessari d'avair ina media da notas totala suffizienta e notas suffizientas en ils roms da basa.
La quota da repetiziun mobila sin il stgalim secundar I munta l'onn 2003 a 2%. Damai frequentan 2% da las scolaras e dals scolars la medema classa en in auter tip da scola che l'onn precedent. 1,7% da las scolaras e dals scolars frequentan l'onn 2003 la medema classa en il medem tip da scola sco l'onn precedent (quota da repetiziun stabila).
Datas UST 2003
Permeabladad
En tut ils chantuns cun plirs tips da scola èsi pussaivel che scolaras e che scolars midan - sin fundament da lur prestaziuns - en in auter tip da scola (dal tip da scola cun pretensiuns elementaras en il tip da scola cun pretensiuns extendidas e viceversa) resp. en in auter nivel da prestaziun. Per pudair midar dal tip da scola cun pretensiuns elementaras en il tip da scola cun pretensiuns extendidas sto eventualmain vegnir repetì in onn da scola. Cun in dieschavel onn da scola (facultativ) po vegnir cuntanschì il stadi d'enconuschientschas che las scolas cun pretensiuns extendidas prevesan per la fin dal novavel onn da scola.
Examens finals
La gronda part dals chantuns da la Svizra franzosa ed il Tessin fan in examen final a la fin dal stgalim secundar I. En la Svizra tudestga vegnan actualmain realisads projects per il novavel onn da scola cun lavurs finalas u cun examens finals.
