Scolas autas universitaras: survista
La universitad la pli veglia da la Svizra è vegnida fundada l'onn 1460 a Basilea. Da las diesch scolas autas universitaras chantunalas sa chattan tschintg en la Svizra tudestga: las scolas autas universitaras da Basilea, da Berna, da Lucerna, da Son Gagl e da Turitg. La scol'auta universitara da Friburg sa chatta en il chantun biling da Friburg (franzos e tudestg). En la Svizra franzosa èn domiciliadas las scolas autas universitaras da Genevra, da Losanna e da Neuchâtel, en il Tessin la scol'auta universitara da la Svizra taliana. Vitiers vegnan las duas scolas politecnicas federalas (SPF) a Losanna ed a Turitg sco era ils quatter instituts da perscrutaziun: l'institut Paul Scherrer (IPS), l'institut federal per la perscrutaziun da guaud, naiv e cuntrada (WSL), l'institut federal da controlla da material e da perscrutaziun (EMPA) e l'institut federal per provediment, serenaziun e protecziun da las auas (EAWAG).
Fundaziun svizra per la furmaziun a distanza
Ultra da las scolas autas universitaras menziunadas datti era ina fundaziun privata per studis a distanza: la fundaziun svizra per la furmaziun a distanza è vegnida renconuschida da la confederaziun l'onn 2004. Las suandantas instituziuns universitaras èn medemamain renconuschidas da la confederaziun: l'institut universitaire de hautes études internationales (HEI), Genevra; l'institut de hautes études en administration publique (IDHEAP), Losanna; l'institut universitaire Kurt Bösch, Sion.
Incumbensas principalas e cundiziuns da basa
 | Las incumbensas principalas da las scolas autas universitaras èn l'instrucziun, la perscrutaziun e la prestaziun da servetschs. |
| Las scolas autas universitaras disponan d'ina gronda autonomia academica, finanziala ed organisatorica. Per la coordinaziun naziunala è responsabla la conferenza svizra da las universitads (CSU). |
 Ulteriuras infurmaziuns davart las scolas autas universitaras |
| Chapitels correlads |
| Scolas autas universitaras |
