Contribuziuns Cuntrasts 2008
 Making off dal film "Canzun Alpina" - 31.08.2008 |
 | | Ils 21 da settember mussa la Televisiun Svizra SF il film cun il titel "Canzun Alpina". L'istorgia dal film è situada en la Surselva. En il film vegnan avant: in pop da pel stgira, in chor maschadà ed in center per requirents d'asil. Il cineast Roger Brunner ha guardà davos las culissas da la producziun. Film |
| "In A è in A - in onn rumantsch grischun en scola" - 06.07.2008 |
 | | Finalmain, temp da stad - temp da vacanzas! Per l'emprima giada vacanzas grondas haja num era per varga otganta scolaras e scolars da l'emprima classa. Els han gì anc in'autra premiera. Els èn ils emprims insumma ch'han emprendì da leger e scriver rumantsch grischun.Film |
| L'è uscìa - 29.06.2008 |
 | | Blers abitants da las vals alpinas vivevan fin avant paucs decennis en circumstanzas ordvart stgarsas e modestas. En blers lieus è il svilup economic arrivà pir avant paucs decennis. Mo be paucs han mantegnì fin oz la veglia maniera da viver. In da quests è il pur da setanta onns, Renzo Maroli.Film |
| La famiglia Cavelti - 22.06.2008 |
 | | Da carrieras remartgablas da rumantschs san ins adina puspè leger. Ils ins han magari laschà crescher pulit la cresta, auters èn restads modests. Tar la segunda gruppa appartegnan Georg e Toni Cavelti oriunds da Sagogn.Film |
| Fascinaziun ballape - 15.06.2008 |
 | | Ballape fascinescha las massas - na mo betg en questas emnas. Per blers uffants e giuvenils è ballape il hobi numer in. Tge è la fascinaziun da quest gieu, nua che 22 umens (ed adina dapli dunnas) curran suenter ina balla? Roger Brunner emprova en ses film da dar resposta sin questa dumonda.Film |
| O Vienna, O Vienna - 08.06.2008 |
 | | Laura Bott (29) da Valchava, Riccardo Giacometti (35) da Lavin ed Oscar Knapp (60) da Scuol lavuran ed abiteschan a Vienna, la chapitala da l'Austria. Laura Bott è artista, Riccardo Giacometti directur d'hotel ed Oscar Knapp è l'ambassadur svizzer en l'Austria e residiescha a Vienna. Dad els trais ha Mariano Tschuor realisà in film.Film |
| Crisa da la vita - tge far, nua ir? - 25.05.2008 |
 | | Ina giuvna raquinta avertamain da sia crisa ch'ella ha dumagnà or d'atgna forza. Auters dovran agid professiunal en uschia ina situaziun, en ina clinica u en in'instituziun. Ils blers che van en il "Sunnehügel" tschertgan ruaus per uschia chattar ina nova direcziun en lur vita.Film |
| Ils Bascs en Spagna - 18.05.2008 |
 | | Tge va tras il chau sche vus udis il num Terra basca? Per il solit survegnan ins duas respostas, ina giada il beret basc e latiers l'organisaziun terroristica ETA. La Terra basca quai è dentant era la terra dals gieus da bal e dal pli vegl linguatg europeic. Ils Bascs en Spagna - in film da la seria da minoritads linguisticas.Film |
| La merda sto davent - 11.05.2008 |
 | | I dat glieud che pretenda che schubregiar consoleschia. Auters din che schubregiar saja wellness per corp ed olma. Per ses film "La merda sto davent - ina decleranza d'amur al schubregiar" è Petra Giger sa profundada en il tema schubregiar cun sias pli differentas fassettas.Film |
| Vnà - in vitg in hotel - 04.05.2008 |
 | | In project turistic cun caracter da model sveglia emoziuns. Il project "in vitg in hotel" dess manar nova vita a Vnà ch'è ina fracziun da la vischnanca da Ramosch. Per ils iniziants èsi svelt cler, ch'i na dess betg vegnir fabritgà in hotel exclusiv nov. Ins less duvrar substanza existenta.Film |
| In pass lung - 27.04.2008 |
 | | Corsin Hösli da Zernez ha 15 onns. Durant ils ultims onns è Corsin stà in dals megliers passlungists grischuns da si' annada. El è vegnì malsaun ed ha survegnì la diagnosa: leuchemia limfatica acuta, cancer dal sang.Film |
| Pascal Gamboni - dal tschiel giu sin terra - 20.04.2008 |
 | | "Il tschiel dal rock sa chatta en l'Engalterra" - perquai è Pascal Gamboni emigrà da Sedrun vi da tschella vart dal chanal, en la terra nua che la gronda carriera musicala para pussaivla.Film |
| Renato Testa - la testa dals Testas - 13.04.2008 |
 | | El è impressari, el è um da fatschenta ed el è il "padrone" da circa 400 collavuraturs a San Murezzan. Ma el è era in chatschader passiunà. Ed i dat glieud che di che Tenato Testa saja schizunt in patriot.Film |
| Giuventetgna ed esters - 06.04.2008 |
 | | "Ti Jugo!" - quest num per migrants e migrantas dal Balcan vegn duvrà oz da blers giuvenils svizzers sco insulta. La svalitaziun e diffamaziun da persunas e gruppas da l'exteriur para ozendi bunamain normala.Film |
| L'onn 1968 e l'influenza sin noss chantauturs - 30.03.2008 |
 | | Ses bab era in communist, in African da Nigeria, stà minister per fatgs da cultura e scienza, sia mamma oriunda da Balgach en la Vallada dal Rain. Schendrada e naschida a Londra, ha ella frequentà las scolas en Tumleastga.Film |
| Il Tavulin cun Gabriella Binkert - 23.03.2008 |
 | | Ses bab era in communist, in African da Nigeria, stà minister per fatgs da cultura e scienza, sia mamma oriunda da Balgach en la Vallada dal Rain. Schendrada e naschida a Londra, ha ella frequentà las scolas en Tumleastga.Film |
| Controvers: Fittas ti in pal - datti londeror in cardi - 16.03.2008 |
 | | Vala quai che la vusch dal pievel di era per la politica? Co vegn il persunal politic recrutà e scolà entaifer las partidas? Regia la casualitad, la devisa: il pli ferm gudogna? Ni quel cun la pli grassa bursa che po cumprar in mandat?Film |
| E pir cura ch'il Twist è vegnì - 09.03.2008 |
 | | Saut è expressiun d'emoziuns, expressiun da vita. Da led e ledezza. Il bal è in spievel da la vita. Ed era dals giavischs e dals basegns d'ina societad durant in tschert temp. Cun la moda da viver è la musica ed il saut sviluppà. In dals gronds svilups da musica e saut è stà la fin dals onns 50 fin il cumenzament dals onns 60.Film |
| Giuvenils rumantschs e lur relaziun cun la bellezza - 02.03.2008 |
 | | I cumenza davant la scaffa da vestgadira e finescha cun sa smincar giu - il tema sa far bel, esser bel, la bellezza insumma occupa ils giuvenils da damaun marvegl fin saira tard. Tge marca mo purtar per esser acceptà tar ils collegas? Quant bass purtar las chautschas per ch'ins è anc cool?Film |
| "Daco buca? - duas generaziuns s'entaupan " - 17.02.2008 |
 | | "Giuven e vegl na sa chapeschan betg pli", pleds ch'ins auda adina puspè. È quai be in clisché, in pregiudizi che vegn raquintà da generaziun a generaziun, u èsi propi vair.Film |
| "far kunscht" - 10.02.2008 |
 | | In'ovra d'art vesan ins per il solit, cura ch'ella vegn exponida, saja quai en ina galaria u en in museum. La creaziun da l'ovra, la lavur da l'artist u da l'artista n'è betg visibla. Trais artists grischuns fan in'excepziun e mussan, co els lavuran.Film |
| Club Descarga - 03.02.2008 |
 | | Il project da Jazz "Club Descarga" è la pli gronda producziun da quest gener ch'è vegnida fatga en il Grischun. En collavuraziun cun il chor da Jazz da Cuira "arcas syncopics" ha Valentin Kessler mess ensemen ed arranschà in concert da musica sidamericana da salsa fin tango.Film |
| Visita tar Erica Pedretti - 27.01.2008 |
 | | Erica Pedretti è scriventa ed artista. Ma tgi è questa dunna da 77 onns cun in num grischun, che scriva tudestg e che viva en Svizra franzosa? L'ovra litterara dad Erica Pedretti è vegnida onurada cun blers premis internaziunals. Ella è stada l'emprima dunna che ha survegnì l'onn 1999 il premi da cultura dal chantun Grischun.Film |
| La Donata - 20.01.2008 |
 | | En la Val Schons tuts ch'enconuschan la Donata da Donat. Ella è pura e maina suletta il bain puril ch'ella ha surpiglià da ses augs e sias ondas. Cumenzar a far la pura ha ella avant 20 onns. Da gliez temp eran dunnas che faschevan l'emprendissadi da pur ina raritad.Film |
| Ils Furlans en l'Italia - 13.01.2008 |
 | | L'emprim film da la seria minoritads en il 2008 è deditgà als Furlans. Quels vivan al nordost da l'Italia sin il cunfin cun l'Austria e la Slovenia. Var 600'000 persunas discurran il furlan. La lingua è sa sviluppada sco il rumantsch gia avant 2000 onns cura ch'ils Romans han conquistà il territori celtic.Film |
| Mes emprim onn en il convict - 06.01.2008 |
 | | In'istorgia giuvna cun ed or dal diari dal giuven Maurus Derungs da Vignogn. Il Maurus ha 15 onns ed avant in onn ha el bandunà la Val Lumnezia per cumenzar la scola chantunala a Cuira. A Cuira prenda el dimora en il convict.Film |
