Pedagogia curativa e speziala
 |  |
| |
Per uffants e giuvenils che na pon betg ademplir las pretensiuns da scola usitadas u che dovran purschidas da furmaziun spezialas, datti furmas da scolaziun spezialas. L'obligaziun generala d'ir a scola vala era per uffants e giuvenils cun impediments da la vesida, impediments da l'udida, impediments dal corp, impediments d'emprender, impediments dal spiert, impediments da lingua e particularitads da cumportament.
Per l'educaziun prescolara da pedagogia curativa datti radund 100 instituziuns (p.ex. servetschs da pedagogia curativa, posts da cussegliaziun prescolara e da terapia, posts da cussegliaziun prescolara da pedagogia curativa) che vegnan purtads tant d'uniuns e fundaziuns sco era da vischnancas e chantuns.
Per l'educaziun prescolara da pedagogia curativa datti radund 100 instituziuns (p.ex. servetschs da pedagogia curativa, posts da cussegliaziun prescolara e da terapia, posts da cussegliaziun prescolara da pedagogia curativa) che vegnan purtads tant d'uniuns e fundaziuns sco era da vischnancas e chantuns.
Furmas da la scolaziun speziala
La scolaziun speziala stat en la cumpetenza dals chantuns. Ella cumpiglia
La scolaziun speziala stat en la cumpetenza dals chantuns. Ella cumpiglia
 | scolas spezialas subvenziunadas da l'assicuranza d'invaliditad AI (scolas per uffants e giuvenils cun impediments dal spiert, scolas per uffants e giuvenils cun impediments dal corp, particularitads da cumportament, impediments da l'udida, impediments da la lingua, impediments da la vesida e malsognas cronicas) |
| classas spezialas che èn colliadas stretgamain cun la scola regulara (tranter auter classas d'introducziun, classas pitschnas u classas spezialas sin il stgalim primar sin il stgalim secundar I) |
| purschidas ambulantas da promoziun, cussegliaziun e terapia (agids da scola sco instrucziun da sustegn da pedagogia curativa, instrucziun da lecziuns supplementaras; mesiras terapeutic-pedagogicas sco logopedia, e terapia da legastenia e discalculia, terapia psicomotorica; cussegliaziun psicologica da scola ed ulteriuras purschidas). |
Basas legalas
Ultra da la lescha e l'ordinaziun davart l'assicuranza d'invaliditad cuntegnan oravant tut las leschas d'educaziun e da scola chantunalas sco era las disposiziuns executivas correspundentas reglamentaziuns legalas davart la promoziun pedagogica da persunas impedidas.
En Svizra è dapi il 1. da schaner 2004 en vigur la lescha davart l'egualitad dals impedids. Ella cuntegna in paragraf davart la scolaziun adequata d'uffants e da giuvenils impedids; art. 20, al. 1: "Ils chantuns procuran che uffants e giuvenils impedids survegnian ina scolaziun da basa adattada a lur basegns spezials." Al. 2: "Ils chantuns promovan cun furmas da scolaziun correspundentas l'integraziun d'uffants e giuvenils impedids en la scola regulara, uschenavant che quai è pussaivel e serva al bainstar da l'uffant u dal giuvenil impedì."
Finanziaziun
La scolaziun speziala vegn finanziada per gronda part dals chantuns e da l'assicuranza d'invaliditad (AI). Profitar da prestaziuns da l'assicuranza d'invaliditad pon uffants u giuvenils cun in impediment dal corp u dal spiert chaschunà tras naschientscha, malsogna u accident, il qual maina probablamain a l'incapacitad da gudagnar.
Ils 28 da november 2004 han las votantas ed ils votants svizzers approvà la RFI (Refurma da la gulivaziun da finanzas e da la repartiziun da las incumbensas tranter la confederaziun ed ils chantuns). Quai ha consequenzas per la furma da finanziaziun futura - tranter auter na vegnan las finanzas per la scolaziun speziala e las mesiras terapeutic-pedagogicas betg pli repartidas sur l'uffizi federal d'assicuranzas socialas, mabain da nov sur ils chantuns.
Ultra da la lescha e l'ordinaziun davart l'assicuranza d'invaliditad cuntegnan oravant tut las leschas d'educaziun e da scola chantunalas sco era las disposiziuns executivas correspundentas reglamentaziuns legalas davart la promoziun pedagogica da persunas impedidas.
En Svizra è dapi il 1. da schaner 2004 en vigur la lescha davart l'egualitad dals impedids. Ella cuntegna in paragraf davart la scolaziun adequata d'uffants e da giuvenils impedids; art. 20, al. 1: "Ils chantuns procuran che uffants e giuvenils impedids survegnian ina scolaziun da basa adattada a lur basegns spezials." Al. 2: "Ils chantuns promovan cun furmas da scolaziun correspundentas l'integraziun d'uffants e giuvenils impedids en la scola regulara, uschenavant che quai è pussaivel e serva al bainstar da l'uffant u dal giuvenil impedì."
Finanziaziun
La scolaziun speziala vegn finanziada per gronda part dals chantuns e da l'assicuranza d'invaliditad (AI). Profitar da prestaziuns da l'assicuranza d'invaliditad pon uffants u giuvenils cun in impediment dal corp u dal spiert chaschunà tras naschientscha, malsogna u accident, il qual maina probablamain a l'incapacitad da gudagnar.
Ils 28 da november 2004 han las votantas ed ils votants svizzers approvà la RFI (Refurma da la gulivaziun da finanzas e da la repartiziun da las incumbensas tranter la confederaziun ed ils chantuns). Quai ha consequenzas per la furma da finanziaziun futura - tranter auter na vegnan las finanzas per la scolaziun speziala e las mesiras terapeutic-pedagogicas betg pli repartidas sur l'uffizi federal d'assicuranzas socialas, mabain da nov sur ils chantuns.
| Links tar il tema |
 | Ordinaziun dals 17 da schaner 1961 davart l'assicuranza d'invaliditad |
| Departament federal da finanzas DFF: Refurma da la gulivaziun da finanzas e da la repartiziun da las incumbensas RFI |
