Scolaziun speziala: scleriment, diagnosa e decisiun
 |  |
| |
Per il scleriment, la diagnosa, il tractament e la cussegliaziun datti en ils chantuns ils servetschs correspundents (tr. a. servetschs psicologics da scola). Ina scolaziun speziala vegn decidida sin fundament d'ina dumonda, da scleriments e d'ina decisiun d'assegnaziun. Dumondas pon inoltrar surtut scolastas e scolasts, medias e medis, servetschs spezials (p.ex. servetschs psicologics da scola), autoritads da scola ed autoritads tutelaras. En passa la mesadad dals chantuns pon era ils geniturs far ina dumonda per l'assegnaziun en ina scola speziala.
Scleriments e decisiuns
Responsabels per il scleriment èn en tut ils chantuns servetschs psicologics da scola, servetschs psicologics per uffants e giuvenils u autras persunas spezialisadas.
Per decider, sch'in uffant che basegna ina furmaziun speziala duai frequentar ina scola regulara (scola integrativa) u ina scola speziala, na datti nagina regulaziun naziunala unifitgada. Tut tenor las reglamentaziuns chantunalas e dependent da las purschidas dal chantun pon sa participar ad ina tala decisiun per regla ils geniturs, la scola, scolastas e scolasts u auters servetschs spezialisads.
A la fin decidan las autoritads da scola chantunalas, sch'in uffant u in giuvenil duai survegnir ina scolaziun speziala.
Scleriment futur
En il rom da la regulaziun per la collavuraziun interchantunala en il sectur da la pedagogia speziala sviluppa ina gruppa da project ina procedura da scleriment standardisada per eruir il basegn da furmaziun e svilup individual d'uffants e giuvenils. Sco basa serva la International Classification of Functioning (ICF) da l'Organisaziun mundiala da la sanadad (WHO), surtut la versiun davart uffants e giuvenils (ICF-CY) ed ulteriurs sistems da classificaziun sco la International Classification of Diseases (ICD-10).
Questa procedura da scleriment duai permetter als chantuns en l'avegnir d'assegnar resursas individualas ad uffants e giuvenils che dovran mesiras pedagogicas spezialas, quai en il rom da mesiras temprivas da pedagogia curativa, en la scola regulara, en classas spezialas u en scolas spezialas.
En il rom d'ina emprova da pilot per il svilup da la procedura standardisada vegnan sviluppads instruments da registraziun per la prescola, la scola obligatorica e la scola secundara dal stgalim II.
La nova procedura da scleriment standardisada duai entrar en vigur suenter la fasa da consultaziun l'onn 2011.
Responsabels per il scleriment èn en tut ils chantuns servetschs psicologics da scola, servetschs psicologics per uffants e giuvenils u autras persunas spezialisadas.
Per decider, sch'in uffant che basegna ina furmaziun speziala duai frequentar ina scola regulara (scola integrativa) u ina scola speziala, na datti nagina regulaziun naziunala unifitgada. Tut tenor las reglamentaziuns chantunalas e dependent da las purschidas dal chantun pon sa participar ad ina tala decisiun per regla ils geniturs, la scola, scolastas e scolasts u auters servetschs spezialisads.
A la fin decidan las autoritads da scola chantunalas, sch'in uffant u in giuvenil duai survegnir ina scolaziun speziala.
Scleriment futur
En il rom da la regulaziun per la collavuraziun interchantunala en il sectur da la pedagogia speziala sviluppa ina gruppa da project ina procedura da scleriment standardisada per eruir il basegn da furmaziun e svilup individual d'uffants e giuvenils. Sco basa serva la International Classification of Functioning (ICF) da l'Organisaziun mundiala da la sanadad (WHO), surtut la versiun davart uffants e giuvenils (ICF-CY) ed ulteriurs sistems da classificaziun sco la International Classification of Diseases (ICD-10).
Questa procedura da scleriment duai permetter als chantuns en l'avegnir d'assegnar resursas individualas ad uffants e giuvenils che dovran mesiras pedagogicas spezialas, quai en il rom da mesiras temprivas da pedagogia curativa, en la scola regulara, en classas spezialas u en scolas spezialas.
En il rom d'ina emprova da pilot per il svilup da la procedura standardisada vegnan sviluppads instruments da registraziun per la prescola, la scola obligatorica e la scola secundara dal stgalim II.
La nova procedura da scleriment standardisada duai entrar en vigur suenter la fasa da consultaziun l'onn 2011.
