En il rom da l’onn da l’informatica 2008 han lieu mintga mais differentas occurrenzas en differentas citads tar il tema. L’agenda da la pagina d’internet dat scleriments tar ils events.

CompiSternli èn uffants che porschan en lur temp liber curs da computer per senioras e seniors. L’uniun da Tavau tschertga persunas che vulessan lantschar il project en lur vischnanca. Ils projects locals vegnan sustegnids durant dus onns cun know-how e finanzialmain.

Il Junior Web Award va en la terza runda: davent dals 1 da zercladur 2008 pon classas s’annunziar per il Junior Web Award 2008/09. Nov è la planisaziun da temps optimada che sa drizza tenor l’onn da scola 08/09. La registraziun dals projects cumenza davent da l’avust 2008.

Sut il motto „ina coola idea per ir cun velo?“ sa drizza il post da cussegliaziun per prevenziun d’accidents a tut las classas dal stgalim superiur da la Svizra. La concurrenza envida da crear ina istorgia da fotos u ina istorgia curta tar il tema «ir segir cun velo». Termin final da spediziun è ils 30 da november.

Classas che èn up to date en chaussas da segirtad, dattan vinavant lur savida a collegas da classa, a geniturs ed enconuschents – e prendan uschia part cun lur project a la concurrenza „la meglra missiun da segirtad“ da security4kids.

Per la secunda giada maina l’institut per medias da furmaziun da la scola auta da pedagogia Berna tras il Swiss Forum for Educational. Il forum da quest onn ha il tema: „Open Educational Resources (OER): Freier Zugang zu Bildungsmedien und Qualität“.